इंटरनेटचा वापर करताना तुम्ही कोणता ब्राऊझर वापरता त्यावर तुम्हाला सर्फिंग किती सोपे जाईल ते अवलंबून असते . ' इंटरनेट एक्स्प्लोरर ७ ' ( आयई ७ ) हा मायक्रोसॉफ्टचा लेटेस्ट ब्राऊझर असला तरी तो वापरायला बऱ्याचजणांना आवडत नाही .
.................
इंटरनेटचा वापर करताना तुम्ही कोणता ब्राऊझर वापरता त्यावर तुम्हाला सर्फिंग किती सोपे जाईल ते अवलंबून असते . ' इंटरनेट एक्स्प्लोरर ७ ' ( आयई ७ ) हा मायक्रोसॉफ्टचा लेटेस्ट ब्राऊझर असला तरी तो वापरायला बऱ्याचजणांना आवडत नाही . एकतर त्याची रचना क्लिष्ट वाटते , विशेषत : ज्यांना ' आयई ६ ' ची सवय झाली आहे त्यांना हा नवा अवतार पसंत पडलेला नाही . कारण ' आयई ६ ' ची रचना अधिक सुटसुटीत व म्हणूनच वापरायला सोपी होती . पर्यायाने फायरफॉक्स ब्राऊझर वापरण्याकडे बहुतेकांचा कल असतो . फायरफॉक्स अधिक फास्ट आहे , व्हायरस व स्पायवेअर रोखण्याच्या दृष्टिने अधिक सुरक्षित आहे आणि ' आयई ७ ' पेक्षा अधिक सोयी त्यात आहेत . पण फक्त ब्राउझर डाऊनलोड केला तर त्यात मजा नाही . त्यासाठी टूलबार नावाची मोठी सोय आपल्यासाठी संबंधित कंपन्यांनी करून ठेवलेली आहे . ' आयई ७ ' वापरत असाल तर ही सोय खूपच उपयोगी पडते . फायरफॉक्समध्ये गेल्यावरही ' टूल्स ' वर क्लिक केल्यास अॅडऑन मिळू शकतात . त्यातली मजा काही वेगळीच आहे .
सर्वसाधारणपणे ' आयई ७ ' हा ब्राऊझर ओपन केला की त्यात काही कॉमन बटन्स दिसतात . उदा . फाइल , एडिट , व्ह्यू , फेवरिट्स , टूल्स आणि हेल्प ही ती बटन्स आहेत . त्याच्याखाली फॉरवर्ड व बॅक जाण्यासाठी बटन असते . बाजूला अॅड्रेस बार व त्या बाजूला सर्चबार असतो . त्याच्या खाली फेवरिट्स ( म्हणजेच बुकमार्कस् ), अॅड टू फेवरिट्स आणि टॅब बार असतो . त्याच्यापुढे होम , फीड्स , प्रिंट वगैरे बटन असतात . या सगळ्याच्या वर लिंक्स नावाचा टूलबार असतो . तो अत्यंत महत्त्वाचा असतो . या लिंक्सची जागा बदलून अगदी वरपर्यंत म्हणजे फाइल , एडिट , व्ह्यू , फेवरिट्स , टूल्स आणि हेल्प या बटनांच्या खाली नेता येते . त्यासाठी ' आयई ७ प्रो ' हा प्रोग्राम डाऊनलोड करावा लागतो . पण त्याविषयी नंतर कधीतरी .
हे तसे पुरेसे आहे . तुमचा लिंक्स टूलबार व्यवस्थित अॅरेंज केलेला असेल तर इंटरनेट वापरायला सोपे जाते . या सगळ्या रचनेत तुम्हाला आणखी काही टूलबार डाऊनलोड करता येतात . गूगल , याहू आणि एमएसएन हे ते तीन मुख्य टूलबार आहेत . त्यांच्यात्यांच्या सेवा ग्राहकांना ताबडतोब उपलब्ध व्हाव्यात म्हणून हे टूलबार आहेत . उदा . गूगल टूलबार डाऊनलोड केला तर गूगलच्या सर्व सेवा तुम्हाला एकाच दृष्टिक्षेपात मिळतात . केवळ गूगलच नव्हे तर इतर असंख्य सुविधा एका नजरेत मिळतात . या टूलबारवर ' अॅड टूलबार बटन्स ' असे एक बटन आहे . ते क्लिक केले की असंख्य लिंक्सचा पर्याय उपलब्ध होतो . ज्या लिंक तुम्हाला हव्या आहेत त्या अॅड केल्या की मुख्य टूलबारमध्येच त्या दिसतात . अन्यथा सर्चची सोय होते , बुकमार्क दिसतात .
पेज रँक नावाची अनोखी सुविधाही आहे . तुम्ही पाहात असलेले पेज किती सुरक्षित आहे , ते किती लोक पाहतात ( म्हणजेच ते किती लोकप्रिय आहे ) वगैरेची माहिती यात कळते . शिवाय याच बटनात ' सिमिलर साइट्स ' म्हणून लिंक आहे . समजा तुम्ही एखादी साइट पाहात आहात आणि त्याच साइटसारख्या अन्य कोणत्या साइट्स उपलब्ध आहेत हे जाणून घ्यायचे असेल तर ' सिमिलर साइट्स ' वर क्लिक करा . ताबडतोब तशा साइटची यादी तुमच्यासमोर हजर होईल . मी रिडिफ डॉट कॉम ही साइट ओपन केली आणि मग ' सिमिलर साइट्स ' वर क्लिक केले . ताबडतोब बातम्यांच्या विविध साइट्स समोर आल्या . पण गंमत म्हणजे जेव्हा जीमेल ओपन केले व ' सिमिलर साइट्स ' वर क्लिक केलेे तेव्हा अन्य ईमेल सेवा समोर आल्या नाहीत , तर फक्त गूगलच्याच सेवा दिसल्या .
यापेक्षा वेगळ्या सोयी याहू व एमएसएनच्या टूलबारवर मिळतील . तिन्ही टूलबार एकाचवेळी वापरण्याची काहीच गरज नाही . कारण त्यामुळे ब्राऊझरमध्ये निष्कारण गर्दी होईल . पण तीनही टूलबार वापरून पाहा , त्यातला जो उपयोगी वाटेल तो वापरा . प्रत्येकात काही ना काहीतरी अतिरिक्क्त सोयी आहेतच . याहूच्या टूलबारवर तुमचे मशीन स्पायवेअरसाठी स्कॅन करण्याची सोय आहे . तो फुकटात करता येतो . याहू व एमएसएन टूलबारवरही बातम्या , सर्च आदि मूलभूत सुविधा आहेतच . ज्या टूलबारवर अधिक सोयी आहेत तोच वापरा . याच तीनपैकी एक वापरायला हवेत असे नाही . आणखीही बरेच टूलबार उपलब्ध आहेत . तेही डाऊनलोड करू शकता . त्याविषयी पुढच्या आठवड्यात .
No comments:
Post a Comment