ज्येष्ठ साहित्यिक प्रा. राम शेवाळकर यांचं निधन । हृदयविकाराच्या झटक्यानं निधन । प्रा. शेवाळकर ७६ वर्षांचे होते । नेटवरची दिवाळी 14 Nov 2007,

कम्प्युटरच्या जमान्यात ई - कार्डे पाठविण्यास सुरुवात झाली आणि आता तर एसएमएसच्या जमान्यातून अगदी संक्षिप्त स्वरूपात दिवाळीच्या सदिच्छा पाठविता येतात . परंतु कम्प्युटरवरच्या ग्रीटिंग्जची सर त्याला नाही . ती ग्रीटिंग्ज कशी पाठवायची , त्याचाच वेध ...

.....

काल दिवाळीला सुरुवात झाली . आज शुक्रवारी लक्ष्मीपूजन . दिवाळीनिमित्त आपण एकमेकांना शुभेच्छा देतो . पण काळानुसार ग्रीटिंग कार्ड विकत घेऊन त्यावर तिकिटे लावून पोस्टात टाकण्याचा जमाना केव्हाच मागे पडलाय . इंटरनेट मेलचा उपयोग होत असल्याने पोस्टाद्वारे वैयक्तिक पत्र पाठविण्याचा कंटाळाच येतो . एकंदरच पत्रव्यवहार कमी झाल्याने कम्प्युटरच्या जमान्यात ई - कार्डे पाठविण्यास सुरुवात झाली आणि आता तर एसएमएसच्या जमान्यातून अगदी संक्षिप्त स्वरूपात दिवाळीच्या सदिच्छा पाठविता येतात . यातला एसएमएसचा प्रकार बोकाळला असला , तरी कम्प्युटरवरच्या ग्रीटिंग्जची सर त्याला नाही . शिवाय एकच ग्रीटिंग शेकडो लोकांना एकदम पाठविण्याची सोय असल्याने हा प्रकार अधिक लोकप्रिय झाला , यातही नवल नाही .

ही ग्रीटिंग्ज स्वत : तयार करून पाठविणारे बरेचजण आहेत . जे फोटोशॉप अथवा कोरल ड्रॉ वगैरे अत्याधुनिक प्रोग्राममध्ये पारंगत आहेत , ते अतिशय सुंदर पद्धतीने ही भेटकार्डे तयार करू शकतात . इतर लोक ' पेंट ' मधील ब्रशच्या साह्याने हे कार्ड तयार करतील . पण या तंत्राच्या वाटेला जाण्याचे साहस न करता रेडिमेड ग्रीटिंग्ज पाठविण्याची सोय झाली तर ? तशी सोय आधीपासूनच झाली आहे . त्यातल्या काही साइटचा हा परिचय .

' १२३गीटिंग्ज डॉट कॉम ' ही सध्या अतिशय लोकप्रिय असणारी साइट . येथे दिवाळीची भरपूर ग्रीटिंग्ज उपलब्ध आहेत . तुम्हाला आवडेल ते निवडायचे . त्याखाली काय लिहायचे हे तुम्ही ठरवू शकता . तुम्हाला हवा तो मजकूर लिहून झाला की अंतिम काडं कसे दिसेल ते ' प्रीव्ह्यू ' वर क्लिक करून पाहू शकता . पसंत पडले तर पाठवा अन्यथा काही बदल करायचे असतील तर ते करून कार्ड पाठवून द्या . यातली काही कार्डे फ्लॅश तंत्रावर अवलंबून असतात . म्हणजे समजा कार्डात पणत्या तेवत आहेत असे चित्र असेल , तर फ्लॅशच्या मदतीने त्या प्रत्यक्ष तेवताहेत असे वाटते . तुमच्या मशीनमध्ये अडोब फ्लॉश प्लेअर आहे का ते पाहा . नसल्यास अडोबच्या साइटवरून डाऊनलोड करा . हा फ्लॅश आणि क्विकटाइम या आणखी एका प्रोग्रामच्या मदतीने ही कार्डे अगदी जिवंत होतात . अर्थात ज्या मित्राला हे कार्ड पाठवत आहात , त्याच्याकडेही हे प्रोग्राम असणे आवश्यक आहे . अन्यथा त्याला ते अगदी साधे कार्ड दिसेल .

' लाव्हाकार्डस् डॉट कॉम ' ही आणखी एक ग्रीटिंग्जची साइट आहे . तेथेही तुम्हाला ग्रीटिंग्जची वेगवेगळी रूपे पाहायला मिळतील . १२३ग्रीटिंग्जपेक्षा ही साइट अगदी वेगळी आहे आणि ग्रीटिंग्जचे वैविध्यही आहे . यात दिवाळीची विषयवार कार्डे उपलब्ध आहेत . एखाद्याला दिवाळी साजरी करण्यासाठी घरी वा हॉटेलमध्ये बोलावू इच्छित असाल , तर तशी कार्डे मिळतील . मराठी , बंगाली , तामिळ , हिंदी , गुजराती भाषेतून ( पण देवनागरीतून ) कोणाला कार्ड पाठवायचे असेल , तर तीही आहेत . पणत्या आणि झगमगत्या दिव्यांची ग्रीटिंग्ज नको असतील तर सुंदर रांगोळ्यांची काडेर्ही आहेत . गणपती आणि लक्ष्मी यांची चित्रे असणारी कार्डे हवीत ? येथेच मिळतील .

' ईकार्ड४ऑल डॉट कॉम ', ' १२३दिवाळी डॉट कॉम ', ' दिवाळीमेला डॉट कॉम ' या आणखी काही साइटवरही जाता येईल . तेथील ग्रीटिंग्जचे वैविध्य पाहता येईल . दिवाळी सुरू होऊन दोन दिवस झाले ; आता कसल्या शुभेच्छा द्यायच्या , असा विचार करू नका . अजूनही ही ग्रीटिंग्ज पाठवता येतील . ज्या साइटची माहिती येथे दिली आहे त्या साइटवर अर्थातच अन्य विषयांची ग्रीटिंग्जही मिळतात . वाढदिवसापासून ते लग्नापर्यंत , पाडव्यापासून ते दसऱ्यापर्यंत असंख्य विषयांची ग्रीटिंग्ज उपलब्ध आहेत . म्हणजेच या साइट तुम्हाला केवळ दिवाळीपुरत्या नाही , तर वर्षभर उपयोगी पडू शकतात .

या कार्डांशिवाय दिवाळीची मजा अन्य सर्चमधूनही मिळते . गूगलवर व्हीडिओ प्रकारात सर्च दिलात , तर दिवाळीविषयी असंख्य व्हीडिओ पाहायला मिळतील . ज्या साइटवर स्वतऱ्चे व्हीडिओ अपलोड करायची सोय असेल तेथे जाऊन घरातले आनंदाचे क्षणही तुम्ही नोंदवू शकता . बाळाची पहिली दिवाळी , लग्नानंतरची पहिली दिवाळी अथवा कोणत्याही वैयक्तिक दिवाळीचा व्हीडिओ तुम्ही तयार करू शकता . आता डिजिटल कॅमेेरेही सर्वांच्या आवाक्यात आले आहेत . त्यामुळे व्हीडिओ बनवणे ही काही फक्त व्यावसायिक फोटोग्राफरची मक्तेदारी राहिलेली आही . नेटवरच्या सध्याच्या अशा व्हीडिओंची लिंक अर्थातच यूट्यूब वा तत्सम संकेतस्थळांवरची असेल . पण हे व्हीडिओ पाहण्यात गंमत असते . गूगलवरच ग्रुप्स या प्रकारात सर्च दिलात , तर विविध ठिकाणच्या दिवाळीचा आस्वाद घेता येईल .

एकंदर नेटवरची दिवाळी हा कोणत्याही प्रदूषणाशिवाय पाहता येणारा एक आल्हाददायक प्रकार असतो , यात वाद नाही .