कॅलिफोर्निया
येत्या १ मार्चपासून इंटरनेटचा एक अध्याय इतिहासाजमा होणार आहे. एकेकाळी नेटिझन्सची फेवरेट चॉइस असलेला मात्र सध्या मागे पडलेला नेटस्केप ब्राउझर मार्च महिन्यापासून इंटरनेटला रामराम ठोकणार आहे. नेटस्केप बंद होणार अशी अफवा गेल्या वर्षीच उठली होती. मात्र आता एओएल म्हणजे अमेरिका ऑनलाइनने तशी अधिकृत घोषणा केली आहे.
नेटस्केप नेविगेटर- वर्जन नाइन आजही इंटरनेटवर उपलब्ध आहे. पण १ मार्चपासून नेटस्केपला एओएल सपोर्ट करणार नाही. त्याऐवजी फायरफॉक्स वापरावा असे एओएलने जगभरातील नेटक-यांना सूचवले आहे. पण तुम्हाला नेटस्केपची आठवण कायम राहावी असे वाटत असेल तर फायरफॉक्सवर नेटस्केप ही थीम उपलब्ध आहे असेही एओएलने स्पष्ट केले आहे.
१९९८ मध्ये एओएलने नेटस्केप खरेदी केले होते. जवळपास दशकभर नेटस्केपने इंटरनेटवर अधिराज्य गाजवले. १९९० च्या दशकात म्हणजे इंटरनेटच्या सुरूवातीच्या काळात नेटिझन्ससाठी नेटस्केपचे फार महत्त्व होते. पण नंतर इंटरनेट एक्सप्लोरर आणि फायरफॉक्सच्या ब्राउझर युद्धात नेटस्केप मागे पडले , आणि जवळपास संपल्यात जमा झाले होते.
आज ब्राउझरच्या बाजारात त्याचा फक्त ०.६१ टक्के हिस्सा उरला आहे. इंटरनेट एक्सप्लोरर , फायरफॉक्स , सफारी , ऑपेरा हे ब्राउझर आज आघाडीवर आहेत. त्यामुळे नेटस्केप बंद होण्याच्या बातमीने नेटयुजर्सचा जुन्या आणवणींचा कप्पा उघडला गेला आहे.
No comments:
Post a Comment